महाराष्ट्र साहित्य परिषद पुणे उत्कृष्ठ कादंबरी पुरस्कार विलास मोरे यांना जाहीर.
प्रतिनिधी – एरंडोल येथील साहित्यिक विलास मोरे यांना त्यांच्या ” पांढरे हत्ती काळे दात ” या कादंबरीला महाराष्ट्र साहित्य परिषद पुणे यांचा वा . म . जोशी . स्मृती उत्कृष्ट कादंबरी हा साहित्य क्षेत्रातील सन्मानाचा पुरस्कार जाहीर करण्यात आलेला आहे . महाराष्ट्रातून २५० कांदबऱ्यामधून विलास मोरे यांची ” पांढरे हत्ती काळे दात ” या कादंबरीची निवड झालेली आहे . याबाबत महाराष्ट्र साहित्य परिषदेचे कार्याध्यक्ष प्रा . मिलिंद जोशी, कार्यवाह सुनिता राजे पवार, कार्याध्यक्ष वार्षिक ग्रंथ पारितोषिके उद्धव कानडे यांनी जाहिर केले . पुरस्कार वितरणाचा कार्यक्रम दिनांक २६ जून २०२३ रोजी सकाळी ११ वाजता पुणे येथील एस.एम.जोशी सभागृहात आयोजित करण्यात आला आला आहे. आंतरराष्ट्रीय कीर्तीचे नामवंत इंग्रजी लेखक इतिहासकार आणि विचारवंत डॉ. रामचंद्र गुहा यांच्या हस्ते पुरस्कार प्रदान करण्यात येईल . तसेच प्राध्यापक हरी नरके , विजय बाविस्कर, डॉ . राजेंद्र दास, अरुणा साबणे, यांना देखील ग्रंथकार पुरस्काराने यावेळी सन्मानित करण्यात येणार आहे . अशी माहिती महाराष्ट्र साहित्य परिषद मुख्य शाखा पुणे चे कार्याध्यक्ष प्राध्यापक मिलिंद जोशी यांनी दिली आहे. यापूर्वी विलास मोरे यांच्या “पांढरे हत्ती काळे दात” या कादंबरीस महाराष्ट्र साहित्य परिषद , पुणे शाखा जामनेरचा पुरस्कारही जाहीर झालेला आहे . तसेच सन २०१९ /२० चा महाराष्ट्र शासनाच्या बाल वाङ्मयातील बालकवी पुरस्कारही त्यांना प्रदान करण्यात आलेला आहे . सूर्योदय सर्वसमावेशक मंडळाचा बाल साहित्याचा पुरस्कारही त्यांना मिळालेला आहे. महाराष्ट्र साहित्य परिषदेचे अध्यक्ष रावसाहेब कसबे यांच्या अध्यक्षतेखाली होणाऱ्या या कार्यक्रमात साहित्य परिषदेच्या विश्वस्त सभेचे अध्यक्ष डॉ. शिवाजीराव कदम ,कार्यकारी विश्वस्त डॉक्टर पी.डी.पाटील , विश्वस्त यशवंतराव गडाख, उपाध्यक्ष तानाजीराव चोरगे व राजीव बर्वे हे उपस्थित राहणार आहेत.
महाराष्ट्र साहित्य परिषदेचा हा अत्यंत सन्मानाचा पुरस्कार विलास मोरे यांना प्राप्त झाल्यामुळे खानदेशातील औदुंबर साहित्य रसिक मंच, सूर्योदय ज्येष्ठ नागरिक संघ, एरंडोल, सूर्योदय सर्वसमावेशक मंडळ जळगाव , शद्बाईचे कार्यकारी संपादक वि . दा . पिंगळे , प्रा. डॉ . म . सु . पगारे , अँड . मोहन बी . शुक्ला , रमेश पवार , अशोक कोळी , अशा विविध व्यक्ती व संस्थातर्फे त्यांचे अभिनंदन करण्यात येत आहे .
